БЕЗ ТАТАРЧА сөйләшәбез

«Нәүрүзбикә – яз кызы” тамаша-тантанасы

IMG_3089Бүген 2 нче гимназиядә Яз кызын - Нәүрүзбикәне каршылау тамаша-тантанасы үтте. Безнең бабаларыбыз һәм әбиләребез һәр елның 21 нче март көнендә "Нәүрүз мөбарәкбад" дип бер-берсен сәламләгәннәр. Безнең тамаша да нәкъ менә шул сүзләр белән башланып китте. Балалар, бер-берсен бәйрәмгә чакырып, мәйданга җыелды. Алар Нәүрүз бәйрәменең, җылы язның тизрәк килүен теләделәр. Кояш календаре буенча 21 нче март көн белән төн тигезләшкән вакыт булганга, безнең бәйрәмгә дә Көн һәм Төн персонажлары кунакка килде. Алар да, бер-берсе белән озак тарткалашмыйча, язның килеп җитүенә шат иде. 2 нче сыйныф укучылары исә кояшны чакыру белән килгән кунакларны таң калдырды. Кояш та үзенең җылысы белән аларны назлады. Әйе, Нәүрүз - иң көтеп алынган бәйрәмнәрнең берсе, шуңа күрә аңа репетиция ясау да кирәк. Укучылар репетиция өлешендә җыр җырладылар, бию биеделәр, шигырь сөйләү осталыкларын күрсәттеләр. 3 нче сыйныф укучылары Галимуллин Нурислам һәм Гыйльмуллин Әмир, "Кыздыра" һәм "Әби сүзе" шигырьләрен сөйләп, килгән кунакларны үзләренә гашыйк иттеләр. Ниһаять, бәйрәмгә сөйкемле  Нәүрүзбикә һәм җылы Яз килеп җиттеләр. Аларның килүенә балалар сөенделәр. Кинәт кенә Кышның керүе балаларны куркытмады, чөнки Кыш та алар өчен кадерле. Ләкин Нәүрүзбикә Кыш тәкъдим иткән ярышта җиңеп чыкты һәм ул балалар белән Кышны озатты. Бәйрәм җитте, Нәүрүз килде, яз җитте! Нинди Нәүрүз карга боткасыз булсын дигәндәй, безнең кунаклар да карга боткасыннан авыз иттеләр. Нәүрүз мөбарәкбад!

Подробнее...

 

Гимназия гүзәле

udL1unJgZ70Яз җитә. Табигать уяна. Безнең гимназия гүзәлләре дә бу вакытны зарыгып көтәләр. Алар бүген бездә үткән "Гимназия гүзәле" бәйгесендә  катнаштылар. Һәр сыйныф гүзәле үзен тамашачылар белән төрлечә таныштырды: Моратова Айгизә һәм Корбанова Дания җырлар башкардылар, Әхмәтова Альбина татарча матур итеп биеп күрсәтте, Ямалеева Әдилә үзе турында шигырь сөйләде, Шәвәлиева Әдилә видео төшерде... Бәйгедә кызларны төрлечә сынап карадылар: алар өйне дә җыештырдылар, татар хатын-кызларының борынгыдан килә торган гадәтләрен дә искә төшерделәр, матур прическа ясауда һәм "Интеллектуаллар" биремендә дә осталыкларын күрсәттеләр. Бәйрәмгә килгән укучылар, укытучылар, жюри әгъзалары - барысы да гүзәлкәйләргә сокланып утырды. Нәтиҗәләр ясау да кыенлашты. Шуңа күрә катнашучы кызлар барысы да төрле номинацияләрдә җиңү яуладылар. Афәрин! Котлыйбыз!

 

 

 

 

Подробнее...

 

Фазыл Шәехның 80 яшьлек юбилеена тѳбәк фәнни-гамәли конференциясе

IMG_402816 нчы апрель кѳнне 1 нче гимназиядә Фазыл Шәехның 80 яшьлек  юбилеена багышлап “Укучыларга рухи-әхлакый һәм экологик тәрбия бирүдә тѳбәкнең  тарихи - мәдәни һәм табигый мирасын куллану” дип исемләнгән тѳбәк  фәнни-гамәли конференциясе үткәрелде. Конференция Фазыл Шәех шигырьләреннән тѳзелгән “Үз милләте, дине, теле өчен  янган исем “ дип аталган әдәби композиция.

Конференциядә Алабуга муниципаль районы “Мәгълүмати-методик үзәк” белгечләре, Казан федераль университетының Алабуга институты галимнәре,    татар теле һәм әдәбияты укытучылары,   регионнан килгән укытучылар, укучылар, мәктәпкәчә белем бирү учреждениеләре тәрбиячеләре, татар иҗтимагый үзәге әгъзалары катнашты.

Фәнни эш тәкъдим итүче һәм чыгыш ясаучылар арасында Казан федераль университетының Алабуга институты галимнәре, Казан, Әгерҗе, Әлмәт, Норлат, Менделеевск  муниципаль  районнарыннан килгән укытучылар һәм укучылар, хәтта Пермь крае  Барда районы М.Г. Имашев исемендәге Каенавыл урта мәктәбеннән килгән делегация дә   бар иде.

Подробнее...

 

“Муса Җәлил – батыр рухлы шагыйрь”

IMG_20170227_143743Алабуга шәһәренең 5 нче урта мәктәбендә татар теле укытучылары һәм укучылары “Муса Җәлил – батыр рухлы шагыйрь” дигән темага патриотик кичә оештырдылар. Килгән кунаклар рус телле балаларның чын күңелдән сөйләгән шигырьләрен, җырларын, укытучыларның чыгышларын бер тын белән тыңладылар. Кичә күтәренке рухта М. Җәлилнең “Салют, сиңа Муса Җәлил!” җыры белән тәмамланды.

 

“Әнием турында”

EJan009WId820 февраль көнне 4 сыйныф укучылары белән “Әнием турында” темасына ачык чара үткәрелде. Бу көнне укучылар әниләр турында шигырьләр укыдылар, “Мин әниемне яхшы беләмме?” уенын уйнадылар. Әниләр турында мәкальләр әйттеләр, җырлар тыңладылар.  Соңрак һәрберсе үзенең әнисен ясады.         Укытучылар: Шакирзянова Н.Г., Агмалова Э.Э.

 

Страница 4 из 34

knopka
||
IntPriemna
||
grafik14
||
535353
|
____2|
||
img
|
Елабужский официальный сайтkdp-page-011
|
Министрерство образования и науки Республики Татарстан 
|
Федеральный институт педагогических измерений
|

Федеральные целевые программы



Узнай, куда можно обратиться за помощью

Школьный портал

Единая коллекция цифровых образовательных ресурсов

Национальный фонд подготовки кадров

Конструктор школьных сайтов

123_143243243_31
|

Календарь мероприятий

Ноябрь 2017
Пн Вт Ср Чт Пт Сб Вс
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3